दुखुलिप लाक : औ माका ओसम्ङा सीनो हसोङा देशाक लेईपी चारछा मात्ता केसे या तेल्पूछा मात्ता केसदो, केमङा केसनोदो मंकप्क ऊई लोयोक्सो ।
दुखुलिप लाक : बा..बा.. ओ सूरपौ ए चारछा , तेल्पिछा केसनोदो आन ओ सूरपौलोक सोमोरीम् लागि बोप ए ममीयो, चीरये ममीयो नासो ओ सेरची इस्ना चारछा तेल्पूछा केसनोदो आन ओ सूरपौ तेसा काजमूयो ।
ने व नुमा ङ आम्माआ आम्पाआ कोङने सेर्वोनामआ नापोना पापा नेन्कके, पापा नेनक सून्मा नेन्क मीनाव । एसे सम्म केका आम्पा आम्मा सीङ्खूर मीयीका वाक्खूर मीयीका, खारूतोउ मीयीका, यीक्तो मीयीका एसे यीकाक सेकूछोवा रिङ फेरेई मइक तोङ साल्म फेरेईमव आम छूर्मे मीम्छामी अल दत्व आम छूर्मे तैसा ओ मोख् तैसा लकचलन मव, ओ मोखमी लोलेई मव नुमा ङ ।
दुखुलिप लाक : बा–बा ओ सूरपै नमा, ओ छामेईछा छूक्छासो काँसेपूङ् मीयापो, छोबोसेईमासो दीङो , दिबौं खेत्नासो दीङो , म पवो पीको मीयोपो सोक्मा कोङाने यी फप्ललै आम्तूप्रीछास खेपना ओ तूप्रीपा मीयो पोयोयो सीङ्खो लूङ्खोस् यो मीयोतीङोयो पीकोना बा–बा…..हूङूतोक, (सेवा मतो पिम छूये) ।
दुखुलिम लाक : आन सीङ्खो लूङ्खो मीन्ची, ओ तूप्री खेम्ना पीम्ची नानू, आनाई आरानने पीमछूए, ओ चौ पाका सेक ओ लूम्पाका सेक, ओ सागो वाप्का सेक आन पीदूर्यान्नो ।
दुखुलिप लाक : बा–बा , पीम्ङा छूए
दुखुलिम लाक : औ ओ सागो पाका सेक ओ छा ओ गोङ तीम्दूरदो खाईव मादोन् पीयान्नो । ई फप्ललै पी मून्छू मियान् , मून्छू बैयधो खाईयू माधो खाईनव ।
नेव एसेक लेईने नीनाम्मा खोङो ओ चारिमा खोङोओ , देसाक लेईपी मूमायो खोङो ।
दुखुलिप लाक : ओ सूरपौ छीलूमाक छीलूमाङ खोयान् बा–बा..
दुखुलिम लाक : ओ सम्ङा सीनो हसोङाई तैयान, ओमीने ओखाने ङालीईप मीना ङाली मान्येईप्पा थोङ्कै लेसनो यीकै लेसनो सीकीवासो लेसनो, पारीसीसो लेसनो मारीसीसो लेसनो, तोपारीसी सो लेसनो, सोगोपाक थोक्थोवी तँक, गर्गेवा तंक मान्चेईम्पा, मान्रुम्पा मङ्कचीपी दाईलोयो,
दुखुलिप लाक : औ ओ सूरपौ ए पिम् काइय (वनको काँडा तिखार्नु पर्दैन जान्ने छोरीलाई सिकाउनु पर्दैन) । ईगूस्ङाके ओ नाम्मेआ सिकीवासो लेस, दोङवासो लेस, थोङ्कैसो लेस,यीकै सो लेस तोपारीसीसो लेस, पा रिसी मा रिसी सो लेस लेसनोकपी ओहोपाङ ईयूखीयो, ओहोप्ङा मीन्चीयो बा.बा.. ।
दुखुलिम लाक : (छेलपाची लयची) यी कूटूम्बूने ए बूसूम्चे ऊम्मूङा चीक्ना ताक रैछ के । मुन्छु मियाम्लोसो वैदितके ईछाने खाइयङाई होला ।
दुखुलिम लाक : औ खेनासो ओ सागोवाङा मान्पेप्के हसोङाई मून्छू मीयाना देसाक लेइपी ओछाआ ओ खीम्पी चाम् तयक तङ् तयनोना आना दूख्ची पीयना अंक ओ छादोमूख् आ सीङ्ची पप्दीत, लूङ्ची पप्दीत कस् तूखीयोदो मंकप्क ऊई लोयो ।
दुखुलिप लाक : औ.औ सूरपौ ए दूख् पीयोनो दूख् पीम्ची ओतोक् यो आलाकयो लूङ् पम्मीयोनो सीधो पम्मीयोनो ओ बाग्गेची ईस्ना वाईयान्स ओ सूरपौ आ ओनाम्मे सीङ् पप्दीतक, लूङ् पप्दीतक तखीयदो एसे सम्मको जो लागेको धनपच आम तेमे ऊखून्दी आम् खीसप्क सुन, सीसामूक सुनको सुन धार्नीको चेली बिसौली मूक्पी ।
दुखुलिम लाक : हसोङाई ओसम्ङा सीनो ओ तईम्चाम्ङाई लए देसाक लेईपी चाम तयनो, खाम तयनो ना गोवैछाम् , सूवेरछाम् उम् बौला छोटो उम् हूची बाइपा, खूसेचास्ना रुबूसी वोङे उम्हूक्पी नेलकडी लागेईछूदो कोङ्यो पीयो आम्हापायो दस ।
दुखुलिप लाक : बा.बा. ओ सूरपौ ए गोवै छाम्मीयोनो, सूवैसो छाम्मीयोनो ओ सेरची ईस्ना वाइयान्स रुबूसीपा खात्दो रुबूसी ओ होप्ङा मीन्चीयो । ओ नाम्मेम् नेलकडी ओ हूक्पी मूयो आन ओ सूरपौ बाह्र हातमी टांगाआसो पैमीयान्नो, दस खत तिरी ओ नाम्मे रानी क रानीङ् मूयो ।