कूलू गुस्खम काठमाडौंमी चिक्थुम्खो चाम्चेइम् याता, देप्क चुक्तीनीपी रिन्हो, थिम्रा लो राजित्ति

पोम्लालुङ । चिक्थुम्री दोङ ०७८/०७९ पीक किरात कूलू गुस्खम काठमाडौंमी चिक्थुम्खो चाम्चेइम् याता । बुल् २७ पुमालेइ तुचाइक रुखौंआ पारित मयना खुवा साप्दोखम्पिक खुक्सु चन्द्रसिंह पिमपर्ने कूलू गुस्खम काठमाडौंमी खु्क्सु घनश्याम कुलुङ आ पिका ।

चिक्थुम्खो चाम्चेइम् ‘प्रतिवेदनअनुसार’ खेम्पेलम ताक लह १,२३,५८४ तुये । फंगीत लह ९०,१३७ छुवाके । फंगीत छुवाना एत्ताक खेप्लेम पिक्याक ३३, ४४८ तुये ।

मालो याताक चिक्थुम्खो चाम्चेइमी तोङ्वाआ उइ पिके पिक्यालो दुङ देतो खेप्लेप बोक्छोक्पी घनश्याम रिन्हो, सुरेन्द्र थिम्रा ना पाण्डु राजित्तिके ‘कोषाध्यक्ष’ विष्णु साम्पाङ कुलुङआ पिका । साम्पाङआ पिकाकतोङ केस्का याताक चिक्थुम्री दोङ ०७८/०७९ गोपी खुक्सु घनश्यामआ ३९,८५०।- खेप्लेम बोम्पा । खेना किरात कूलू गुस्खम काठमाडौंमी तीक्सु सुरेन्द्र थिम्राआ ३७,००० ना किरात कूलू गुस्खममी लाइस्पीक खुक्सु पाण्डु राजित्तिआ २७,०००।- बोम्छोम्पा ।

खेप्लेम बोक्चोप चुक्तीनी हेप्सो हायाम देतो तुनी । खोलोमी निङसो केका ओरोनाङ छेलाम लयाम्काके । खोङाम्का पिक्निना आम्निहोपा लाम्नुमदोसो तैनुम्के । खोलो चुक्तीनीच हायाम ओलोनु । ओरोनाङ म्छेम्काछेम बोम्चाम छुके । कूलू गुस्खम काठमाडौं साप्दोखमआ निउरी मयाम्काकै के ।